成為Lovintage會員即享$500迎新優惠!全球免運費
目錄

買CHANEL古董袋前必看,金屬扣的神秘金粉。

大家好呀,我係Lovintage既子健。

今次又同大家分享下CHANEL Vintage既小知識。

最近有個客人同我講佢個Vintage手袋既金屬扣位置有金粉不斷剝落,佢話應該係啲金屬有問題,問我有冇辦法處理。唔知大家有冇遇過相同既情況呢?其實金粉並唔係黎自個金屬扣,想知點解就要繼續睇埋落去喇。

講到Chanel既手袋就不得不提佢經典既菱格設計,相信大家選購Chanel vintage袋既時候都會希望搵個菱格飽滿啲既?菱格會有漲起既效果係因為每一格車縫既時候中間都放左一啲填充物,而呢啲填充物經過幾十年既使用之後有機會出現粉化既現像。

大家有冇見個呢款Vintage既腰包呢,我記得大概係2016年左右既時間啦,呢款腰包非常流行,最有趣既係當年呢款腰包大部分都有我剛才所講既粉化現像,但依然非常好賣。

有時買vintage袋既時候,如果你摸到啲菱格入面一粒粒咁,我會形容就好似摸住豆袋既感覺,呢個都係其中一種粉化既現像。

言歸正傳,咁究竟關金屬扣果度啲金粉咩事呢。其實金粉並唔係黎自於個金屬扣,你所見到既金粉其實係菱格入面既填充物粉化左之後既樣,至於點解會出現係金屬扣附近呢就要睇埋落去喇。

為左要裝到呢個金屬扣,手袋設計既時候會係呢個皮既位置開咗個窿,而金粉就係呢個位置走出黎架喇,只要搵專業既皮具維修地方,將呢個窿密封,一般都可以解決到大家一直誤會既金粉剥落問題,以後大家選購Vintage袋既時候都可以留意下喇。

如果大家對今日分享既小知識有興趣既話就記得訂閱我地Lovintage Channel喇,亦都可以係留意分享下你地對袋既任何疑問。

我係Lovintage既子健,Byebye

  • 購物車內無任何商品
We use cookies to improve your experience on our website. By browsing this website, you agree to our use of cookies.