Vintage shop同古着店既分別


你好嗎?我係Lovintage既店主Shiken,上次講開Vintage同古着店既分別,今次就同大家分享下。 

可以將Vintage或古着配搭得時尚有品味當然令不少女性羨慕不已,古着(Furugi) 兩字來自日本,所以聽到古着大家都會即時諗起日本既古着店吧,但其實就連日本人都攪唔清Vintage shop同古着店既分別架。 

先講Vintage,Vintage雖然沒有明確定義,對於衣服手袋等黎講,一般製造超過30年既都會稱為Vintage。當然只係製造年份既話就太簡單了,充滿歷史既品牌背景,永不過時既設計,高質量既物料素材,就算係而家既技術都取代唔到既手工,如果符合唔到以上條件既話,相信都難以保存幾十年到而家吧?所以Vintage唔單止係時間上既定義,就好似Chanel既Vintage袋為例,當年既每一件出產而家都成為可遇不可求既珍品! 

而古着其實就係二手既意思,所有被使用過既都稱為二手,例如尋日買左個袋,就算只用過一次都好,就會永遠成為古着。所以係古着店搵到既衫又好袋又好,好有機會係專門店仍然會搵到,因此價錢亦都會相對便宜。

再以Chanel既Vintage袋為例,雖然大部份都比專門店賣既新貨便宜,但由於當年產量極少,而且在市場上供不應求,買少見少,以至於價格一直上升。相信呢一種價值就係Vintage同古着既最大分別了。