店主網誌

Vintage shop即係乜乜站?

恭喜發財呀,我係Lovintage既店主Shiken,係度祝你新一年事事順利,心想事成,最緊要當然係身體健康,希望大家唔駛再戴口罩啦(涙)

一直好想透過網誌同大家分享下關於Vintage手袋既選購,鑑定,護理等等既心得同經驗,新一年終於逼到自己成事,希望會係個好開始,當然得到大家支持既話肯定會係最大動力啦!

過年當然見到好多親朋好友,大家互相問候一下,當一提到自己經營Vintage shop既時候,大部份人既反應就係「哦!我知道,即係賣二手袋啦,乜乜站果啲吖嘛!」每次被歸類為乜乜站同一樣既時候,個心總有啲唔舒服。情況好似當年在日本生活搵屋時,最怕被當係中國人,會盡力解釋我係黎自香港,係唔同架,因為係當地人真係唔太意願租屋比中國人住,原因大家都明白吧,哈哈⋯⋯

其實唔希望被當作二手店唔係因為覺得有貶意,何況名牌二手店生意可以做到好大,我羨慕都黎唔切啦!雖然Vintage都係二手,但Vintage相對上多左一份歷史同質量上既價值,以Chanel為例,最受歡迎既Vintage袋款已經係40年前出產,而當年用既物料同手工亦比現在高質得多,產量亦相對較少,所以Vintage同二手係意思上係有好大分別架。係日本有好多古着店都家都知吧,但其實就連日本人好多都唔知古着店同Vintage shop有咩分別架,下次就同大家講下!

我們將透個電郵定期為你送上會員優惠,最新珍藏及活動資訊!

發佈留言